![](/web/cache/scene/uploads/fotos/foto/22b/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/6660500855-20240605_luislopez_vilaboa_jphilippot_08.jpg)
© Deputación de Pontevedra
Rematada a reforma da estrada que conecta a EP-0104 co cemiterio e a igrexa de Figueirido
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
![](/web/cache/scene/uploads/fotos/foto/16e/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66604fee90-20240605_luislopez_vilaboa_jphilippot_07.jpg)
© Deputación de Pontevedra
O presidente da Deputación de Pontevedra, Luis López, e o alcalde de Vilaboa, César Poza, visitaron este mércores o remate da humanización do viario que conecta a EP-0104 co cemiterio e a igrexa de Figueirido.
"É un día importante para Figueirido porque esta obra é unha proba de que no marco da colaboración entre o Concello e a Deputación se executa unha obra que deixa unha estrada confortable, moderna e, sobre todo, onde os peóns poden camiñar dun xeito seguro", dixo Luis López.
Pola súa banda, o alcalde de Vilaboa, César Poza, sinalou que estas son unhas obras "moi demandadas polos veciños" que deixaron "un espazo humanizado que tamén é un punto de encontro". "Este tipo de obras o que fan é mellorar a vida de xente e esa ten que ser a nosa función", compartiron rexedor e presidente.
Os traballos centráronse nun treito de case 650 metros nos que se renovou a pavimentación do trazado e se construíu unha senda peonil de formigón coloreado. Ao mesmo tempo, implantouse un novo sistema de drenaxe de augas pluviais, renováronse as paradas de autobús, rehabilitouse o firme da estrada, instaláronse pasos de peóns sobreelevados, incorporáronse redutores de velocidade, creouse unha zona de convivencia entre peóns e vehículos de prioridade peonil e acondicionáronse as parcelas da contorna.
O proxecto, que supuxo un investimento de medio millón de euros, foi financiado ao 100 % pola Deputación de Pontevedra. A través dun convenio de colaboración asinado co Concello, o ente provincial asumía o 70 % do custe, uns 350.000 euros, mentres que o 30 % restante recaería na administración municipal. Eses 150.000 euros foron tamén achegados pola Deputación a través dunha subvención ao abeiro do Plan Concellos. Con todo, o goberno local asumiu os custos das expropiacións, que roldan os 30.000 euros.
Relacionadas:
-
A Deputación destina 3,2 millóns de euros en subvencións deportivas e investimentos municipais
Por Oskar Viéitez |
-
Adxudicadas por máis de 460.000 euros as obras na EP-0104 ao seu paso por Vilaboa
Por Redacción |
-
Aprobado o convenio para mellorar a senda peonil EP-0104 ao seu paso por Vilaboa
Por Redacción |
-
Unha senda peonil resolverá os problemas de seguridade viaria na contorna da igrexa de Figueirido
Por Redacción |