Campaña especial de vixilancia en Poio de motos, bicicletas e vehículos de mobilidade persoal
Por Redacción
A Policía Local de Poio anuncia a posta en marcha, a partir deste próximo luns 3 de xuño, dunha campaña especial de vixilancia centrada nos vehículos de dúas rodas.
Os axentes intensificarán o control sobre motos, bicicletas e vehículos de mobilidade persoal (VMP) como patinetes eléctricos.
O obxectivo, asegura a Policía, é "dar unha resposta eficaz ao aumento de infraccións e comportamentos indebidos destes condutores" e frear así a sinistralidade recente.
"Axúdanos practicando unha condución prudente e respectando os máis vulnerables", pide o corpo de seguridade municipal.
A campaña especial de vixilancia prolongarase do 3 ao 9 de xuño.