Xogos para coñecerse antes de coincidir no instituto
Por Redacción
A deste venres foi unha xornada de convivencia en Poio na que o alumnado de 6º de primaria de todos os colexios do municipio compartiron tempo de lecer para coñecerse antes de coincidir, o próximo curso, no IES de Poio.
Durante toda a mañá a rapazada gozou de varias actividades lúdicas, organizadas polo Concello, entre as que se incluíron xogos de orientación, tiro con arco e slackline; xogos de archery e combat en vivo; fútbol burbulla; xogos tradicionais, inchables e rocódromo de escalada.
O alcalde, Ángel Moldes, que visitou as actividades xunto ás concelleiras de Mocidade, Tamara González, e de Educación, Natalia Sabarís, destacou "o bo ambiente" que había e agradeceu a participación de todos os centros escolares nesta iniciativa.
"É unha actividade que chega para quedarse, desde o Concello de Poio tiñamos claro que queríamos organizar unha xornada para facilitar a integración, e facelo desde a diversión e desde o xogo. Facilitar unha primeira toma de contacto para que, en setembro, a adaptación no instituto sexa máis sinxela", dixo Moldes.
Esta actividade, que foi gratuíta tanto para os colexios como para a rapazada, foi financiada na súa totalidade polo Concello de Poio, que se fai cargo dos custe de todas as actividades e do transporte desde cada centro escolar.
Desde primeira hora, preto de 90 alumnos traballaron en varios grupos, nos que se mesturaron alumnos dos diferentes colexios, e que compartiron as súas experiencias e xogos por todo o circuíto de actividades propostas.
Relacionadas:
-
Comeza a reforma integral dos baños de infantil no CEIP de Lourido
Por Redacción |
-
Performance para pedir á Dirección Xeral de FP o pago dos custos do Ciclo de Guía no Medio Natural no IES de Poio
Por Redacción |
-
RADIO.- Si, rexentaba Heicho de Dar Queridiña e agora redescubre o xogo da oca
Por Redacción |
-
Novo equipo de lavado a presión para a limpeza viaria de Poio
Por Redacción |
-
Aprobada unha modificación de orzamento para garantir a continuidade da obra do porto de Raxó
Por Oskar Viéitez |
-
Acampada, excursións e xogos, a oferta lúdica da Semana Máxica de Poio
Por Redacción |