As historias ou teorías conspiranoicas son tan antigas como a propia Terra e ata elas chegan esta vez Marcial Outeda e Jesús Fontanes neste capítulo do podcast 'Boomer o último'. Crédulos, incrédulos?, defensores, detractores?.
A lista é ampla: Tartaria, o terraplanismo, o cambio climático é conspiración?, eses ronseis brancos no ceo son chaimtrails?, canto se falou de teorías conspiranoicas coa pandemia ocasionada pola covid-19 e as vacinas (si, aquí mandan recordos a Miguel Bosé); ou incluso fitos históricos que se cuestionaron como a chegada de Armstrong á lúa.
Existe realmente o monstro do lago Ness?, din que hai películas e elepés creados en diferentes momentos que coinciden ao unísono na súa reprodución,... e hai conspiracións ocultas nos chamados efectos Mandela? o máis famoso en España, sen ningunha dúbida, estivo no programa televisivo 'Sorpresa sorpresa' que tivo como protagonistas a unha nena, un can, un tarro de marmelada... e Ricky Martin.
E para completar este cóctel de teorías conspiranoicas, trouxéronse ata os testemuños da Asociación de Abducidos de Santiago. Moitas hipóteses e sobre todo, sempre, moita retranca. Unha tolemia. O programa está dispoñible para escoita e descarga na web dePontevedraViva Radio e igualmente pódese reproducir desde a ligazón que se adxunta.