Evitar a soidade non desexada, novo propósito de Boa Vida
Por Cristina Saiz & Anxo Lourido
Fronte á dixitalización e as pantallas, a asociación Boa Vida quere achegarse á xente mirando e escoitando as persoas.
Desta forma, durante este sábado 25, representantes do colectivo instalaron unha mesa informativa na Rúa Benito Corbal.
Neste punto informaron sobre o traballo que desenvolven na sedes de Boa Vida situadas en Santa Clara, 35 e na Seca, 3.
Tamén promoveron o consumo eco-solidario promocionando os produtos como bolsos ou mandís que realizan con tea vaqueira reciclada.
Ademais, ás máis de cen persoas que se achegaron polo posto informativo lembraron que este colectivo ofrece un servizo de orientaación e apoio para a procura de emprego
Actualmente traballan na procura de financiamento para promover unha comunidade cohesionada con accións comúns e solidarias para axudar ás persoas que queiran evitar a soidade non elixida.
Boa Vida está a realizar actividades socioafectivas con experiencias artísticas que permiten enfrontarse á depresión e fortalecer a amizade.