A "orella con cachelos" volverá degustarse en Dorrón
Por Redacción
Unha carpa situada no exterior da Casa de Cultura de Dorrón, en Sanxenxo, acollerá esta fin de semana a cuarta edición da Festa da Orella.
As primeiras tapas de "orella con cachelos" ofreceranse o sábado 25 de maio en sesión de mañá e de tarde e continuarán ata o mediodía do domingo.
O menú complétase con churrasco de tenreira e de porco, empanada, luras, bolos preñados e chourizos. Tamén se servirán bebidas variadas.
A comisión de festas de Dorrón, que organiza a cita gastronómica en colaboración co Concello de Sanxenxo, espera un novo éxito.
Durante estas xornadas desenvolveranse sorteos sorpresa entre os asistentes.
Tamén se establece unha programación de actuacións musicais con Soalleira na inauguración e o dúo Oro Negro durante a noite do sábado. Ao mediodía do domingo, pola súa banda, será Son Eventos a que animará o recinto da festa cunha actuación musical.