Unha concentración de universitarios reclama o fin do masacre en Palestina
Por Oskar Viéitez
O campus de Pontevedra secundou a convocatoria de concentracións estudantís simultáneas nas tres universidades galegas, organizada polo colectivo Erguer. Estudantes da Galiza para reivindicar o fin da guerra e unha "Palestina libre".
A través das súas redes sociais Erguer manifestaba que "mantémonos firmes na denuncia do xenocidio do pobo palestino e contra o sionismo, impulsando e apoiando novas convocatorias en todo o país. Non podemos ficar caladas e inmóbiles".
Igualmente, este colectivo estudantil pedía a implicación das propias institucións académicas.
"Demandamos ás tres universidades galegas que se posicionen en favor dun alto ao fogo inmediato e permanente e da fin das agresións israelís contra o pobo palestino" así como que "denuncien de maneira clara a destrución das universidades palestinas na franxa de Gaza así como os ataques contra a súa comunidade universitaria".
Por último reclaman tamén "o recoñecemento do Estado Palestino".
Relacionadas:
-
Convocan unha folga xeral en Galicia para apoiar o pobo palestino
Por Redacción |
-
Convocan outra manifestación en Pontevedra en solidariedade co pobo palestino
Por Redacción |
-
Berros de "o sionismo é terrorismo" diante do edificio da Xunta de Galicia
Por Mónica Patxot & Anxo Lourido |
-
A precariedade laboral e a solidariedade con Palestina, eixos do 1 de maio de CGT
Por Natalia Puga & Cristina Saiz |
-
Concentración en Montecelo para rexeitar o bombardeo de hospitais en Palestina
Por Mónica Patxot & Anxo Lourido |