Localizan en bo estado de saúde o home de 56 anos desaparecido en Vilagarcía
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A Policía Local de Vilagarcía de Arousa e a plataforma SOS Desaparecidos comunicaron que foi localizado en bo estado de saúde na praza do Obradoiro, en Santiago de Compostela, Juan Manuel Rodríguez García, veciño da localidade do Salnés cuxa desaparición foi denunciada pola súa familia este luns 13 de maio.
As forzas e corpos de seguridade despregaran un operativo para atopar a Juan Manuel, un home de 56 anos veciño de Vilagarcía de Arousa.
A alerta pola súa desaparición deuna un particular que chamou ao 112 Galicia sobre as 17.40 horas explicando que este home faltaba da súa casa desde a mañá.
Fuentes policiais, confirmaran que Juan Manuel deixou o seu domicilio sen levar chaves, nin documentación, nin diñeiro, nin o seu coche. E SOS Desaparecidos difundiu carteis coa súa descrición e dous números de teléfono para calquera persoa que puidese achegar datos sobre o seu paradoiro.