Convocan outra manifestación en Pontevedra en solidariedade co pobo palestino
Por Redacción
Para este mércores, 15 de maio, está convocada unha manifestación en Pontevedra en solidariedade co pobo palestino.
Os convocantes son a Asemblea aberta "Pontevedra con Palestina" e a organización sindical CXT de Pontevedra, en resposta á chamada internacional da Federación Xeral de Sindicatos de Palestina.
Segundo informan, a marcha partirá ás 20 horas da Praza do Hospital, na rúa Loureiro Crespo, e rematará na Subdelegación do Goberno.
Os convocantes sinalan nun comunicado que "en escasos sete meses, asistimos ao asasinato impune de máis de 40.000 palestinos, á devastación de Gaza e a continuidade da colonización homicida de toda Palestina, e todo executado coa complicidade das autoridades europeas e españolas, ata alcanzar a impunidade deste colosal crime".
Segundo engaden, o pasado 24 de abril "a Federación Xeral de Sindicatos de Palestina, fixo unha chamada internacional desesperada para que o día 15 de maio os traballadores do mundo fagamos todo o posible para deter este horror".
"Nesta data, cúmprense 76 anos da colonización sanguenta de Palestina e queda no recordo indeleble da humanidade a imaxe da Nakba (Catástrofe) de 1948, cando o exército israelita arrasou a sangue e lume as aldeas palestinas, forzou a expulsión das súas terras e fogares de máis de 750.000 persoas, das que fillos e netos malviven agora repartidos nos Campos de Refuxiados de Gaza, a Cisxordania ocupada polo exército e dos países limítrofes do Oriente Medio. E aínda alí perséguenos e matan sen ningunha piedade, como vemos agora mesmo", indican en en o seu comunicado.
De modo que, secundando esa chamada internacional, a CXT de Pontevedra, "despois de convidar sen éxito a todas as organizacións sindicais e colectivos do movemento social e veciñal da nosa cidade para a celebración unitaria da mobilización", e “Pontevedra con Palestina” acordamos a convocatoria.
"Nin debemos, nin podemos, nin aceptamos… e, moito menos, resignámonos ao horror despregado por Israel e os seus amigos. Terror que non busca outra cousa que a condena inmediata á fame e á morte a dous millóns e medio de persoas indefensas en Gaza e borrar do mapa a máis de seis millóns de refuxiados palestinos, condenándoos a vagar sen ningunha esperanza, sen fogar, sen terras, sen aire libre que respirar, sen o dereito de retorno recoñecido na Carta Magna da ONU, xa feita papel de estraza", remata o comunicado.
Relacionadas:
-
Convocan unha folga xeral en Galicia para apoiar o pobo palestino
Por Redacción |
-
Unha concentración de universitarios reclama o fin do masacre en Palestina
Por Oskar Viéitez |
-
Berros de "o sionismo é terrorismo" diante do edificio da Xunta de Galicia
Por Mónica Patxot & Anxo Lourido |
-
A precariedade laboral e a solidariedade con Palestina, eixos do 1 de maio de CGT
Por Natalia Puga & Cristina Saiz |
-
Concentración en Montecelo para rexeitar o bombardeo de hospitais en Palestina
Por Mónica Patxot & Anxo Lourido |
-
CGT pide na rúa o cese dos ataques de Israel ao berro de "Palestina vencerá"
Por Mónica Patxot & Redacción |
-
29 obras foron vendidas por 3.500 euros na mostra aberta do Ateneo de Pontevedra con Palestina
Por Redacción |
-
Chapas de #SandíasPolaPaz para esixir o alto o fogo contra a poboación palestina
Por Anxo Lourido |