A mellora da mobilidade peonil na estrada Noalla-Aios, obxectivo prioritario para Deputación e Concello
Por Redacción
A deputada de Infraestruturas Públicas, Mobilidade e Contratación, Isabel Couselo, mantivo unha xuntanza co alcalde de Sanxenxo, Telmo Martín, e membros do goberno local, para afondar nos proxectos en marcha e en novas actuacións nas estradas provinciais ao seu paso pola vila.
Isabel Couselo subliñou que o obxectivo do encontro era "escoitar as prioridades do Concello de Sanxenxo en canto ás vías provinciais que atravesan o termo municipal" e, neste sentido, confirmou a vontade da Deputación de impulsar aqueles proxectos prioritarios do goberno local en canto ás estradas provinciais que discorren pola vila.
A deputada provincial asegurou que ambas administracións "queremos desatascar actuacións que había en marcha nas estradas provinciais ao seu paso por Sanxenxo que non deron saído adiante e nós buscamos resolver canto antes, para que vexan a luz o máis rápido posible".
Deste xeito, na xuntanza entre a Deputación de Pontevedra e o Concello de Sanxenxo marcáronse como obxectivos prioritarios o proxecto de mellora da mobilidade peonil na EP-9208 Noalla-Aios, cun orzamento de máis dun millón de euros.
Tamén se acordou desbloquear a actuación de mellora da seguridade viaria na EP-9206 entre Portonovo –Vichona e Rúa do Río, cuxo proxecto está xa nestes momentos modificándose no servizo de Infraestruturas da institución provincial.
Relacionadas:
-
Portonovo recupera a concentración de motos en Baltar
Por Oskar Viéitez |
-
Sanxenxo adapta o PXOM á "nova realidade urbanística do territorio"
Por Oskar Viéitez |
-
A Deputación subvencionará fins de semana en balnearios para familias con nenos
Por Oskar Viéitez |
-
Seis empresas optan á organización da feira de verán de Portonovo
Por Redacción |
-
O colexio Abrente acollerá este sábado as actividades do Día da Xuventude
Por Redacción |
-
A cidadanía e os profesionais do sector están chamados a participar na Estratexia Turismo Rías Baixas
Por Oskar Viéitez & Mónica Patxot |