Acto informativo do BNG en Soutomaior para tratar a situación da Atención Primaria
Por Redacción
Este venres 26 de abril, a partir das 20.30 horas, o Multiusos de Arcade acollerá un acto informativo, que organiza o BNG, para analizar a situación da Atención Primaria.
Baixo o título 'A importancia dunha Atención Primaria forte e con recursos', durante este acto falarase sobre a situación actual que, segundo os nacionalistas, é de precariedade na sanidade pública galega.
O BNG considera que as políticas de recortes que está a aplicar o PP no goberno da Xunta de Galicia afectan directamente á Atención Primaria.
Durante este encontro veciñal e político intervirán Iria Carreira, deputada do BNG no Parlamento Galego e médica de familia; Carmen Núñez, concelleira e portavoz do BNG en Tui e tamén médica de familia; Gonzalo Otero, membro do BNG en Soutomaior.
Ao longo deste acto tamén se recollerán sinaturas en defensa da sanidade pública entre as persoas que asistan.
José Costas, responsable local do BNG en Soutomaior, sinala que o municipio leva máis dun ano e medio sen pediatra e moitos anos cunha cantidade escasa de persoal e recursos no centro de saúde de Arcade.
Relacionadas:
-
Arcade acolle unha manifestación este venres para esixir máis persoal sanitario no centro de saúde
Por Redacción |
-
Os terreos do futuro centro de saúde de Soutomaior xa son do Concello
Por Redacción |
-
Recollida de sinaturas para esixir á Xunta melloras no centro de saúde de Arcade
Por Oskar Viéitez |
-
Bará, centrado en exclusiva en Pontevedra e Caldas, priorizará o solo industrial, as rías e a sanidade
Por Natalia Puga |
-
O centro de saúde de Arcade cumpre "máis de 500 días" sen pediatra
Por Redacción |