O Goberno ábrese agora a analizar "todas as alternativas posibles" para completar o paseo a Marín
Por Alejandro Espiño
Tras as dúbidas expresadas por Costas sobre a continuidade do paseo peonil e ciclista entre Pontevedra e Marín, o Ministerio para a Transición Ecolóxica aclara agora que o proxecto segue en estudo. Promete analizar "todas as alternativas posibles" para completar este itinerario.
Así o admite o secretario de Estado de Medio Ambiente, Hugo Morán, nunha carta remitida ao alcalde, na que avanza que "en canto se dispoña dunha proposta legal e tecnicamente viable" para executar o segundo tramo deste paseo compartirase co Concello.
En todo caso, Morán lembra que "habemos de conseguir" que esta conexión peonil "se faga realidade cumprindo a lexislación vixente e con plenas garantías de seguridade".
A existencia desta carta foi desvelada polo edil César Mosquera no pleno municipal deste luns, no que se debatía unha moción presentada polo PSdeG-PSOE para reclamar ao Goberno que se complete unha infraestrutura que consideran "vital e necesaria".
O socialista Iván Puentes reivindicou que "se fagan realidade dunha vez por todas" os 783 metros do paseo que quedan por terminar, de forma que o proxecto se liite e se execute "o antes posible", dándolle ademais continuidade ata Estribela pola zona de O Cabo.
"Poñemos ao Goberno os mesmos deberes que lle poñemos a Xunta", afirmou Puentes, que engadiu que no grupo municipal socialista "defendemos os intereses dos veciños de Pontevedra por riba de calquera administración", incluídas as gobernadas polo seu propio partido.
Mosquera, pola súa banda, celebrou que a presión social e política lograse que "a fase de poñelo a andar estea conseguida", pero advertiu que esta presión continuará para que "non quede parado" unha vez se analicen as diferentes alternativas.
Costas, segundo o concelleiro do BNG, "decidira non facelo e despois buscaron as razóns". Dixo que "é un pouco difícil de crer" que sexa polas inundacións que se rexistran na autovía, senón que foi un "cambio de criterio como unha catedral" e o proxecto estaba "metido nun caixón".
Rafa Domínguez lamentou que unha actuación que o PP deixara "atada" atópese nesta situación, da que responsabilizou a un PSOE que, para Pontevedra, "ha sido una desgracia sin igual" ao non executar ningunha obra nova e "boicotear" as que estaban en marcha.
"Pedro Sánchez y el PSOE son los responsables de esta situación", destacou o portavoz popular, que cre que o diñeiro para esta obra "se cogió y se llevó a otro lugar", chegando a pedir aos socialistas que "dejen de robarle a Pontevedra y llevarse el dinero para Cataluña".
EDUCACIÓN AFECTIVA-SEXUAL NOS COLEXIOS
O PSdeG-PSOE presentou unha segunda moción a este pleno, defendida pola edil Paloma Castro, que se despediu este luns da corporación, para fomentar a educación afectiva-sexual nos colexios pontevedreses, ao entender que é unha "materia pendente".
"Hai que darlle aos nenos e nenas intrumentos para xestionar as emocións, as relacións interpersoais e a sexualidade", subliñou Castro sobre unha iniciativa que foi aprobada cos votos de socialistas e nacionalistas e a abstención dos once concelleiros do PP.
Relacionadas:
-
O PP pide "claridade" tras "dous meses de idas e vindas" do Goberno e o Concello sobre o paseo peonil entre Pontevedra e Marín
Por Redacción |
-
Costas opta por desprazar a autovía a Marín cara a dentro para facer oco ao paseo peonil
Por Alejandro Espiño |
-
O centro histórico non volverá á "época negra dos 90", advirte o goberno municipal a PP e PSOE
Por Alejandro Espiño |
-
Duros reproches ao BNG pola súa "nula xestión" para resolver os incidentes na Ferrería ou Campolongo
Por Alejandro Espiño & Mónica Patxot |
-
O PP presentará unha moción no pleno provincial para esixir ao Goberno central a finalización do paseo entre Pontevedra e Marín
Por Anxo Lourido |
-
O PSOE de Pontevedra asegura agora estar convencido de que o Ministerio non descarta completar o paseo a Marín
Por Oskar Viéitez |
-
Lores avanza unha "ofensiva política" para que o Goberno complete o paseo peonil a Marín
Por Alejandro Espiño |
-
Domínguez esixe ao Concello de Pontevedra que "presione sen descanso" para que o Goberno central conclúa o paseo a Marín
Por Anxo Lourido & Mónica Patxot |
-
Marín ofrece a Pontevedra "facer forza" xuntos para esixir que se complete o paseo entre ambas
Por Redacción |
-
O PSOE considera "absolutamente inasumible e inaceptable" que Costas non remate o paseo a Marín
Por Redacción |
-
Costas deixa no aire a continuidade do paseo peatonal a Marín
Por Alejandro Espiño |