Máis de 600.000 euros de investimento en lámpadas cirúrxicas para o novo Montecelo
Por Redacción
A Xunta de Galicia licitou a subministración de lámpadas cirúrxicas por valor de máis de 600.000 euros destinadas a espazos do novo hospital Montecelo de Pontevedra, que estará en funcionamento a mediados de 2025.
Este material destinarase aos quirófanos dos servizos de Urxencias; Anatomía Patolóxica; Cardioloxía; Dermatoloxía; Traumatoloxía; ademais da área de intervencións cardiovascular; Nefroloxía; e o novo bloque obstétrico do centro hospitalario.
Trátase de lámpadas cirúrxicas con tecnoloxía led de última xeración, con potencia de 160.000 lux. Dispoñen de regulador de intensidade e de cor.
Están formadas por unha lámpada principal e outras satélites, emprazadas cada unha nun eixo de ancoraxe, segundo informa a xerencia da área sanitaria de Pontevedra-O Salnés.
Tamén contan con seis eixos de angulación e a súa distribución permitirá un amplo radio de luz, con ata 360 graos de rotación.
Estas estruturas tamén inclúen monitores 4K. A vida útil destas lámpadas superarán as 60.000 horas e, a pesar da súa alta intensidade lumínica, son de baixo consumo.
Relacionadas:
-
Campaña de vacinación de adultos en residencias de maiores
Por Redacción |
-
A área sanitaria cubre nove prazas en saúde mental e once de especialistas no Hospital do Salnés
Por Redacción |
-
Publicada a aprobación do estudo de viabilidade do aparcadoiro de 892 prazas do novo Montecelo
Por Redacción |
-
Unha delegación do Hospital Clínic de Barcelona visita as obras do Novo Montecelo
Por Oskar Viéitez |
-
A finais de ano concluirá a obra do Gran Montecelo, que estará operativo no verán de 2025
Por Mónica Patxot & Anxo Lourido |