Produtos galegos de calidade, dieta diaria no comedor do colexio da Lama
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/bc5/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/661e9bc2aa-00.jpg)
© Concello da Lama
![](/web/cache/scene/uploads/fotos/foto/ee6/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/661e9c1158-01.jpg)
© Concello da Lama
'Come Local' é o programa do que forma parte o comedor escolar do CEIP da Lama, unha iniciativa para que os comedores escolares dispoñan de varios produtos galegos nas súas dietas con certificado de calidade como Denominación de Orixe Protexida; Indicador Xeográfico Protexido e Ecolóxicos de proximidadade.
Entre outros produtos, os escolares xa tiveron a oportunidade de degustar as Fabas de Lourenzá. Ademais, realízanse accións formativas dirixidas a equipos de cociña, equipos directivos e estudantes con asesoramento ao persoal de cociña sobre aprovisionamento para que todo estea a punto.
A Axencia Galega de Calidade Alimentaria (AGACAL) da Xunta de Galicia acolleu este centro educativo dentro do programa, tras solicitude do alcalde David Carrera.
Trabállase co alumnado a importancia da biodiversidade agrícola e a necesidade de comer produtos locais. Tamén se ofrecen informacións sobre o coidado da alimentación incidindo na relevancia das froitas e das verduras de cada tempada para manter unha dieta saudable.
'Come Local' ofrece datos sobre a etiquetaxe dos alimentos, de maneira que todas as persoas con relación co comedor escolar aprendan a diferenza as certificacións.
Ao longo do curso, unha experta en nutrición axudará a introducir outros produtos con certificado de calidade. A campaña recóllese nun mapa interactivo e intégrase nos obxectivos de desenvolvemento sostible da ONU, segundo informan desde o Concello da Lama.
Relacionadas:
-
Reciclar, reducir, reutilizar e responsabilizar
Por Oskar Viéitez & Mónica Patxot |
-
Sanidade divulga sobre hábitos saudables e dieta sa no Día Mundial da Obesidade
Por Redacción |
-
David Torres, nutricionista: "Para min, superalimentos deberían ser os produtos de tempada e de proximidade"
Por Marisa Ciordia |