Louzán: "A saúde económica dos Concellos é mellor do esperado"
Por Oskar Viéitez
"A saúde económica dos Concellos é mellor do esperado", este é o optimista diagnóstico realizado polo Presidente da Deputación, Rafael Louzán, trala presentación do Plan de Investimentos para 2013 por valor de 18 millóns de euros que beneficiará a todos os concellos da provincia salvo Pontevedra e Vigo.
En total os concellos presentaron 265 proxectos por valor de algo máis de doce millóns de euros, isto é o 75% do Plan.
Aos concellos déuselles a oportunidade para que un 30% deste Plan fose destinado ao pago de débedas, e é aquí que tendo esta ocasión os concellos finalmente tan só se destinou un 25% ao pago das débedas.
Segundo Louzán isto revela "unha importante situación de saneamento dás arcas municipais".
Ademais quedan dous millóns de euros sen adxudicar que serán destinados para "premiar" a aqueles concellos que non solicitaron axudas para o pago de débedas.
Tamén se premiará a aqueles municipios que asuman proxectos de ámbito supramunicipal, e aos concellos que trasladen a xestión dos seus servizos municipais ás novas plataformas que lidera a Deputación (Consorcio de Bombeiros, Recollida de lixos, ou Canceira entre outras).
Louzán compareceu en rolda de prensa ante unha exposicion dos proxectos presentados, que segundo resumiu son para "obras de primeira necesidade" saneamiento, rehabilitación de servizos municipais, plans de aforro energéticos e mellora de servizos básicos.
Os técnicos da institución provincial consideran que a realización destes proxectos poderán xerar un milleiro de postos de traballo.