Todo preparado para o día grande da Festa da Ostra
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/b70/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66119110e7-000.jpg)
© Concello de Soutomaior
![](/web/cache/scene/uploads/fotos/foto/6b1/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/661190cb60-001.jpg)
© Concello de Soutomaior
![](/web/cache/scene/uploads/fotos/foto/2b7/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6611913135-003.jpg)
© Concello de Soutomaior
Durante o mediodía deste sábado 6 de abril abríanse as casetas dunha nova edición da Festa da Ostra en Arcade (Soutomaior) e as numerosas persoas asistentes xa tiveron a oportunidade de probar a ostra ao natural e un adianto da gastro-experiencia denominada OsTres, unha proposta innovadora con sabor a montaña e a mar.
Fanfarria Furruxa animou as rúas nunha xornada na que os visitantes comprobaron como a carpa que acolle á festa permanece instalada de tal maneira que se pode observar toda a ría de Vigo.
A organización decidiu aprazar os fogos artificiais previstos para a noite deste sábado debido ás condicións de vento e choiva. O alcalde Manu Lourenzo indicou que é necesario garantir a seguridade e anuncaba que o espectáculo pirotécnico levará a cabo durante outras festas como San Xoán ou as Festas do Salvador.
A xornada grande chegará este domingo co pasacalles da Banda Artística e da Banda Cultural de Arcade ás 10.00 horas. Unha hora máis tarde abriranse as casetas de degustación.
Xa ás 13.00 horas, o escritor e profesor Manuel Lourenzo González será o encargado de dar lectura ao pregón desta festa.
Pola tarde, a partir das 18.30 horas, está prevista a actuación musical de 'Cantanascroas'.
O domingo será a xornada para degustar con calma OsTres na que se ofrece ostra sobre crema carbonara ibérica; ostra adobada en teriyaki sobre crema de aguacate e caviar de arenque e ovas de salmón; ademais dunha ostra en escabeche tradicional. Todos estes pratos son cociñados por Calidus Cátering, empresa que xestiona Joaquín Lema, veciño de Soutomaior.