A reforma da 3ª Travesía da Seara acometerase con fondos da Deputación
Por Oskar Viéitez
O Concello de Poio destinará fondos do plan +Provincia para renovar e mellorar o firme na 3ªTravesía da Seara, un camiño municipal moi deteriorado e no que urxe unha actuación que garanta a seguridade, poña en valor a contorna e mellore a recollida de pluviais.
Deste xeito, segundo explica o alcalde, Ángel Moldes, o proxecto contempla a demolición do asfalto actual e adaptar a rasante, renovando o firme con formigón semipulido-raiado, reservando unha franxa no centro para adoquinado. Ademais, inclúese desbroce e limpeza da vexetación, colocación de tres sumidoiros para mellorar a recollida de auga e sinalización horizontal e vertical para garantir seguridade e ordenar o tráfico.
Ángel Moldes manifestou que é "unha actuación moi importante para a veciñanza e casas deste lugar, que levan anos soportando parches temporais que non ofrecen ningunha solución a longo prazo".
Neste senso, recorda que o Goberno aposta este ano por incluír no plan +Provincia "proxectos que aínda que non requiran investimentos moi elevados, si teñen unha repercusión importante para mellorar a calidade de vida dos residentes nestas zonas".
Así, ademais deste proxecto, a Xunta de Goberno local xa aprobou destinar fondos provinciais para instalar o alumeado público na rúa do Adro e Travesía Porteliña e para mellorar o firme no camiño do Cemiterio e travesía Poio de Arriba, no lugar de Encoirados, na parroquia de San Salvador, así como para mellorar o firme e completar a rede de abastecemento e pluviais na rúa Costa de Arriba, en Combarro.
Relacionadas:
-
Poio ampliará a rede de pluviais no camiño de Cachafeiro, no Xuviño
Por Redacción |
-
A Deputación licita a conservación integral da rede viaria provincial e esixe ao Ministerio que mellore o firme da súa
Por Oskar Viéitez & Mónica Patxot |
-
Adeus ás filtracións de auga no ximnasio do colexio Espedregada, en Raxó
Por Redacción |
-
66.000 euros do Plan +Provincia permitirán mellorar Costa de Arriba
Por Redacción |
-
Poio poñerá o nome de veciños "moi queridos" a dous viais de Raxó
Por Oskar Viéitez |
-
40.000 euros para solucionar o problema do alumeado público na Rúa do Adro e Travesía Porteliña
Por Redacción |