O PP galego pon o foco no Congreso no cumprimento da promesa do Goberno de eliminar as peaxes da AP-9
Por Redacción
Os deputados galegos do PP no Congreso acaban de poñer o foco no cumprimento do compromiso do Goberno central de eliminar as peaxes da AP-9.
Os parlamentarios do Partido Popular elixidos polas catro provincias galegas rexistraron dúas preguntas ao Goberno central para coñecer que prazos contempla no cumprimento do seu compromiso e tamén como afectará a falta de Presupostos Xerais do Estado na aplicación desta medida.
Os 'populares' lembran que nas pasadas eleccións autonómicas o candidato socialista prometeu a gratuidade das peaxes nesta autoestrada "en nome do presidente do Goberno" e que na anterior lexislatura o presidente, Pedro Sánchez, comprometera a transferencia da súa titularidade á Xunta de Galicia.
Para os deputados galegos do PP, "son numerosos os incumprimentos de Sánchez con Galicia e o da AP-9 é o máis coñecido de todos: comprometeu o seu traspaso e incumpriu, comprometeu que este ano as peaxes serían gratuítas e ata o de agora incumpriuno tamén.
O portavoz adxunto do Grupo Popular no Congreso, Jaime de Olano, conclúe: "Temémonos que novamente o PSOE e o BNG intentarán tomarlle o pelo aos galegos". Ademais, lembra que este compromiso está incluído no pacto de investidura asinado entre socialistas e nacionalistas.
Relacionadas:
-
Doce concellos pontevedreses ingresarán dous millóns tras a caducidade da bonificación a Audasa pola AP-9
Por Oskar Viéitez |
-
Pontevedra cóase no debate electoral: das "diferenzas" entre BNG e PSOE aos paseos do rei emérito por Sanxenxo
Por Natalia Puga |
-
O pleno da Deputación esixe ao Goberno central que palíe a suba das peaxes
Por Oskar Viéitez & Mónica Patxot |
-
O PP leva ao pleno da Deputación unha moción esixindo ao Goberno central a transferencia da AP-9
Por Oskar Viéitez |
-
Novo ano, nova suba das peaxes da AP-9
Por Redacción |
-
O acordo BNG-PSOE para a investidura resucita o paseo a Marín cando "a decisión que se adoptara era non facelo"
Por Natalia Puga & Mónica Patxot |
-
Píllao o radar a 170 Km/h e ao darlle o alto na peaxe de Vilaboa dá positivo en drogas
Por Redacción |