![](/web/cache/scene/uploads/fotos/foto/1be/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/6605fb0ed9-434170740_1194339991938595_2546292208008022219_n.jpeg)
© Concello de Ponte Caldelas
Nenos de Ponte Caldelas e estudantes universitarios celebran o Día dos Bosques
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
![](/web/cache/scene/uploads/fotos/foto/c01/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6605f9f7c2-434148908_1194339668605294_3347787119313498526_n.jpeg)
© Concello de Ponte Caldelas
![](/web/cache/scene/uploads/fotos/foto/968/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6605fa5e4d-432743229_1194340051938589_8758653328490128345_n.jpeg)
© Concello de Ponte Caldelas
![](/web/cache/scene/uploads/fotos/foto/60c/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/65fc64a225-podiabosques1.jpg)
© Universidade de Vigo
A innovación é neste 2024 o lema escollido polas Nacións Unidas para conmemorar, este xoves 21 de marzo, o Día Internacional dos Bosques. Nenos de Ponte Caldelas e estudantes universitarios celebraron esta efemérides.
Así, o alumnado dos colexios de Ponte Caldelas, Cordo Boullosa e A Reigosa, participaron este xoves na creación dun bosque de dúas hectáreas no Coto do Carrizo, en Forzáns.
Plantáronse máis de 1.000 árbores: 300 castiñeiros, 500 carballos americanos, 200 cerdeiras e outras especies autóctonas doadas polos veciños de Forzáns
O proxecto, liderado pola Comunidade de Montes de Forzáns, faise en colaboración cos axentes ambientais do Distrito XIX e o Concello de Ponte Caldelas.
En total participaron máis de 300 nenos dos dous centros educativos, que estiveron guiados polo mestrado, axentes forestais, a directiva da comunidade de montes e máis dunha vintena de veciños de Forzáns.
Pola súa banda, a Escola de Enxeñaría Forestal tamén fixo unha plantación, diante do centro, dun metrosidero. Este acto simbólico buscaba tamén, como explicaba o director en funcións do centro, Juan Picos, pór o foco no proceso de transformación que está a vivir o sector forestal, que fai que os informes de Nacións Unidas apunten "a un crecemento nos próximos dez anos de preto dun 15%" da demanda de técnicos neste sector a nivel mundial.
Pontevedra é toda unha referencia no eido do coñecemento e investigación forestal por contar o municipio con institucións coma a Misión Biolóxica de Galicia, o Centro de Formación e Experimentación Agroforestal de Lourizán, a Estación Fitopatolóxica de Areeiro e a Escola de Enxeñaría Forestal que conta cuns niveis de ocupación dos seus egresados do 100%.
Relacionadas:
-
Alumnado de Chancelas planta 200 cerdeiras nos montes de Combarro
Por Oskar Viéitez |
-
Prohibidas as queimas agrícolas e forestais de particulares ata novo aviso
Por Redacción |
-
O ciclo vital do lobo, a cetraría ou a prevención de incendios centran a Semana Forestal 2024
Por Redacción |
-
Alerta polo adianto da chegada das velutinas, como debemos actuar?
Por María José Pita |