Poio segue de Entroido co enterro do Galo Fodorico e a Festa Choqueira
Por Redacción
Este sábado 16 de marzo finalizará o Entroido en Poio cos actos do enterro do Galo Fodorico e a Festa Choqueira, organizadas pola AVC Ronsel e a colaboración do Concello.
As choivas obrigaran a aprazar este fin do Entroido no municipio ata este sábado no que se espera que a celebración se desenvolva sen incidencias meteorolóxicas.
Ás 21.00 horas iniciarase o cortexo fúnebre que acompaña ao personaxe de Fodorico. Partirá da rotonda ata a Praza do Mosteiro. Nese escenario será incinerado o famoso galo símbolo destas festas.
A continuación, coa presenza das comparsas celebrarase a Festa Choqueira. As persoas que asistan terán a oportunidade de degustar chocolate quente nunha sesión con música que terá lugar na mesma Praza do Mosteiro.
As persoas que desexen participar no concurso da Festa Choqueira deben apuntarse previamente, ás 20.00 horas, na Praza do Mosteiro. A organización obriga aos participantes a realizar todo o percorrido do cortexo. Os premios outorgaranse nas categorías individual, parella e grupo.
Relacionadas:
-
Bágoas polo Entroido de Poio, que se despide co enterro do Galo Fodorico
Por Redacción & Cristina Saiz |
-
Aprazado o Entroido de Poio para o venres 1 e sábado 2 de marzo
Por Oskar Viéitez |
-
Completa fin de semana de Entroido en Poio con pasarela de comparsas, desfile e o enterro do Galo Fodorico
Por Redacción |