O subdelegado do Goberno manda unha mensaxe de tranquilidade á cidadanía polo crime da maleta
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
O subdelegado do Goberno en Pontevedra, Abel Losada trasladou este luns unha "mensaxe de tranquilidade" sobre o crime da muller cuxo cadáver apareceu en avanzado estado de descomposición no interior dunha maleta en Vigo.
O caso está a ser investigado polo Xulgado de Instrución número 4 da cidade olívica que, o pasado venres, acordou o ingreso en prisión provisional, comunicada e sen fianza de José Manuel Durán González, alias O Chioleiro, como suposto autor.
Abel Losada dirixiu, este luns, "unha mensaxe de confianza ao conxunto da sociedade" destacando que "estamos a solucionar e estamos a atacar este tema que lexitimamente intranquiliza", dixo.
O subdelegado do Goberno sinalou que este "é un asasinato que, presuntamente, foi cometido por unha persoa que xa estivo condenada por outros dous asasinatos", o primeiro deles foi o da súa avoa, en marzo de 1988. Antes diso O Chioleiro xa fora condenado por violala. O outro crime cometido por este individuo foi o acuchillamiento de Alicia Rey, unha veciña e amiga súa de Paradela de Xende, na Lama, no mes de decembro de 2004.
Ademais, Abel Losada quixo "agradecer o magnífico traballo, neste caso do Corpo Nacional de Policía, na aparente resolución do crime".
O subdelegado estendeu este agradecemento "por suposto, á colaboración cidadá da contorna do barrio" no que se atopou o corpo da vítima. O testemuño destes veciños "dirixiu un pouco nos momentos iniciais, unha investigación atípica, en orixe".
Por agora, este caso non se trata como violencia de xénero, segundo comunicou o Tribunal Superior de Xustiza de Galicia (TSXG).
Relacionadas:
-
O Chioleiro, trasladado a unha prisión de Lugo mentres o investigan polo crime da maleta de Vigo
Por Natalia Puga |
-
O xulgado de violencia sobre a muller investigará a O Chioleiro polo crime da maleta de Vigo
Por Natalia Puga |
-
Ata 284 mulleres estranxeiras están a ser vítimas de violencia de xénero na provincia de Pontevedra
Por Redacción |
-
Detido en Pontevedra e enviado á prisión da Lama O Chioleiro polo crime da maleta de Vigo
Por Natalia Puga | Creada e actualizada