Sofre queimaduras nun 40% do seu corpo tras incendiarse a súa casa en Virxe do Camiño
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/d0d/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/65d9cb63d0-incendio.jpeg)
© Policía Local de Pontevedra
![](/web/cache/scene/uploads/fotos/foto/f61/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/65d9cb7557-incendio2.jpeg)
© Policía Local de Pontevedra
Un home de 61 anos foi trasladado ao Hospital Povisa de Vigo tras sufrir queimaduras nun 40% do seu corpo no incendio que se produciu esta madrugada na súa vivenda da rúa Virxe do Camiño.
O suceso, segundo informou a Policía Local, rexistrouse sobre as catro e media da madrugada.
Os servizos de emerxencias foron alertados polo veciño da planta de abaixo, tras detectar un forte cheiro a fume.
Ante a imposibilidade de acceder ao inmoble, os bombeiros de Pontevedra derrubaron a porta e atoparon ao seu inquilino inconsciente no chan.
Todo parece indicar, segundo fontes oficiais, que o lume se orixinou por un cigarro que a vítima tratou de apagar, pero antes perdeu o coñecemento.
O edificio tivo que ser desaloxado durante un tempo por seguridade e para ventilalo, aínda que o incendio limitouse ao dormitorio da vivenda afectada.
A vítima continúa hospitalizada para ser tratada das súas queimaduras.
Ata o lugar, ademais de Policía Local e Bombeiros, acudiron efectivos da agrupación de Protección Civil e persoal sanitario do 061, que trasladaron ao ferido ao hospital.