O campo de fútbol da Seca contará con dous novos vestiarios
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Concello de Poio creará dous novos vestiarios no campo de fútbol da Seca para dar resposta a unha demanda histórica dos clubs locais, segundo acaba de confirmar o goberno local.
Trátase dunha medida que busca facilitar o uso das instalacións sen que os usuarios teñan que desprazarse a outro espazo deportivo da contorna para cambiarse, como sucedía coa Reiboa ou o ximnasio municipal.
A administración local destinará 40.000 euros a este proxecto, que planea crear estes dous novos vestiarios, un para equipo local e outro para visitante, adaptando o espazo existente baixo as bancadas, onde se atopan actualente os antigos baños e a sede da SCD Poio.
"É unha demanda que vén de lonxe por parte de todos os equipos e deportistas. No campo da Seca hai moitísima actividade, xogan moitas categorías e os adestramentos e partidos de fútbol sucédense ao longo de toda a xornada. Un vestiario resulta totalmente insuficiente", xustifica o alcalde, Ángel Moldes.
O investimento custearase con cargo ao Plan extraordinario de infraestruturas deportivas da Deputación de Pontevedra.
Relacionadas:
-
Adxudicadas a reforma do parque infantil de Chancelas e a creación de dous vestiarios no campo de fútbol da Seca
Por Oskar Viéitez |
-
A mellora dos campos de fútbol de Poio e Cerdedo-Cotobade custará preto de 100.000 euros
Por Redacción |
-
O goberno local de Poio presenta un plan para garantir un reparto "transparente, obxectivo e eficiente" das subvencións
Por Oskar Viéitez |