Encargada a redacción para drenar as estradas PO-550 e PO-504 en Meaño e Sanxenxo
Por Redacción
A Consellería de Infraestruturas e Mobilidade encargou a redacción do proxecto para que se execute a mellora da drenaxe das estradas PO-550 e PO-504 ao seu paso por Meaño e por Sanxenxo.
Augas de Galicia identificara problemas na interconexión entre as redes de pluviais e fecais, en ambas as estradas ao seu paso polos dous municipios.
O proxecto permitirá estudar unha solución óptima que posibilite a intervención.
Este traballo enmárcase no servizo de redacción de proxectos en materia de carrreteras nas catro provincias. Este contrato, cun orzamento de 4 millóns de euros, permitirá atendenr as necesidades de redacción de proxectos nos próximos anos en materia de mobilidade sostible, seguridade viaria ou conservación de estradas.
Os problemas detectados na rede de saneamento e pluviais na marxe esquerda da ría de Arousa indican que debe actuarse na interconexión entre as redes de pluviais e fecais nestas dúas estradas.
A intención desde a Axencia Galega de Infraestruturas é executar conducións de saída e drenaxe, cara a terreos particulares, o que obriga a expropiar zonas afectadas. Deste xeito, a drenaxe das estradas funcionaría de maneira independente da rede de saneamento.
Incluirase no proxecto a continuidade da beirarrúa na marxe esquerda da PO-504 en Sanxenxo para a mellora da seguridade peonil. Tamén require de expropiación para executarse.