Fin ás fochancas do aparcadoiro baixo a ponte da autoestrada ao carón da Casa do Mar
Por Redacción
O Concello de Pontevedra iniciou esta semana os traballos de reparación do estacionamento situado na rúa Simón Bolívar, ao carón do Centro de especialidades Casa do Mar, baixo a ponte da autoestrada.
Estes dous espazos, situados entre Rosalía de Castro e a avenida de Marín, atopanse en mal estado, especialmente o máis próximo a autovía, e resulta moi complicado o seu uso para os condutores.
A Concellaría de Servizos urbanos básicos, que dirixe Xaquín Moreda acordou intervir neste espazo xa que é moi empregado para as persoas usuarias da Casa do Mar.
A intervención, que aínda se está a desenvolver, consiste na reparación das fochancas, na recollida e canalización de augas pluviais para evitar asolagamentos e permitir que a reparación dure máis tempo; a instalación de sumidoiros, e reafirmación dos pavimentos exteriores do estacionamento para evitar que se caian.
Tamén se vai a actuar na parcela superior facilitando o acceso ao estacionamento e reordenando os tráficos peonís. Farase un acceso á parcela e limparase de entullos e maleza para aproveitar ben os espazos de aparcamento.
Relacionadas:
-
O miradoiro sobre o Lérez na Avenida de Bos Aires reabrirá totalmente renovado
Por Redacción |
-
Meses agardando por unha tarxeta de aparcamento para o seu fillo Martín, con 87% de discapacidade: "Só pido un mínimo de empatía"
Por Mónica Patxot & Anxo Lourido |
-
Falta de limpeza, fochancas e abandono, principais denuncias do PP ao visitar o barrio de San Roque
Por Redacción |