O 'Super 11' deixa en Pontevedra un premio de 50.000 euros
Por Oskar Viéitez
O 'Super 11' deixou en Pontevedra un premio de 50.000 euros, nun boleto premiado na categoría de 10 números de 11, nun dos tres sorteos do 10 de xaneiro.
O vendedor da ONCE Nicolás González Souto é quen levou a sorte á Boa Vila con estes 50.000 euros que deu desde o seu posto de venda situado na rúa Peregrina, número 29 onde leva catro anos traballando "aunque en la ONCE llevo desde 2005", explicou.
Nicolás González asegurou que non coñece ao agraciado "pero me imagino que pasará a saludarme", chanceou.
É o primeiro premio importante que reparte.
'Super 11' é un xogo que consiste en elixir entre 5 e 11 números dos 85 dispoñibles na túa combinación. No sorteo extráense 20 bólas das 85 dispoñibles e o premio de cada xogada dependerá da cantidade de números que elixa o xogador, o importe en euros xogado e o número de acertos obtidos.
O importe da xogada mínima é de 1 euro. 'Super 11' celebra sorteos todos os días de luns a domingo, con tres sorteos cada día. O Sorteo 1 ou primeiro sorteo do día celébrase ás 10:00 da mañá; o Sorteo 2 ou segundo sorteo é ás 12:00 horas; e o Sorteo 3 ou terceiro sorteo ten lugar ás 21:15 horas.
Relacionadas:
-
O Grove e A Illa levan parte do primeiro premio da Lotería do Neno
Por Redacción |
-
O Gordo reparte 800.000 euros en Vilagarcía con dous décimos do 88008
Por Redacción |
-
Dous décimos do 86007, quinto premio da Lotería de Nadal, deixan un belisco en Xeve e Monte Porreiro
Por Alejandro Espiño & Cristina Saiz |
-
"Ilusión tremenda" en Marín ao vender por máquina o seu primeiro Gordo de Nadal
Por Natalia Puga & Cristina Saiz |
-
"Décimo a décimo e por ventanilla", así repartiron no Grove máis de 56 millóns de euros coa Lotería de Nadal
Por Diego Espiño & Mónica Patxot |