A asociación de Titulados Náutico Pesqueiros afirma: "as boliñas plásticas deixan en ridículo os dispositivos de vilixancia costeira"
Por Redacción
A presenza de plásticos nas praias de Galicia durante as últimas semanas provocou a reacción de AETINAPE, Asociación Española de Titulados Náutico-Pesqueira, a través dun comunicado no que arremeten contra a Xunta de Galicia e o Goberno estatal ao entender que se incorre nunha "nova vergoña internacional nivel 'Prestige'".
Afirman que é "unha demostración máis da escasa operatividade do sistema de vixilancia costeira do Estado; ao que hai que engadir a necesaria observación ambiental da costa e augas interiores que, desde terra e mar, debería exercer a Xunta de Galicia".
No escrito engaden que "a prolífica existencia de medios de prevención marítimos, aéreos e terrestres converteuse nunha pantasma burocrática ante o ridículo espectáculo que están a ofrecer ante os millóns de boliñas de plástico que poñen en perigo o ecosistema e a salubridade costeira".
E critican duramente a refrega de "e ti máis" entre os responsables políticos do goberno autonómico e estatal que "estimula a vergoña allea e, o que é máis grave, impide actuar con celeridade na organización dos dispositivos necesarios" para resolver a actual situación.
Por este motivo, desde AETINAPE esixen que ambos os gobernos deixen de culparse, "abandonen a nauseabunda ocultación da realidade, realicen a necesaria autocrítica e poñan todas as súas capacidades ao servizo da rexeneración costeira. Non é de recibo deixar toda a carga de traballo nas mans de persoas voluntarias e municipios afectados".
"Non é de recibo deixar toda a carga de traballo nas mans de persoas voluntarias e municipios afectados"
Lembran tamén que o dano á natureza é un dano a toda a cidadanía e "son os gobernos quen debe reparalo e despois cobralo a quen causase ese dano". Inciden en que se revisen os protocolos ambientais: "a sociedade galega e española debe coñecer en que aspectos fallaron os gobernos para que a cidadanía tivese que decatarse deste grave problema ambiental a través das redes sociais".
"Só cando a súa presión fíxose patente, os gobernos empezaron a desperezar, ben a súa somnolencia, ben as súas perversas intencións de ocultación, ambas as dimensións deleznables e vergoñosas. Un episodio que lembra a traxedia ambiental provocada polo afundimento do Prestige", conclúe duramente o comunicado emitido polo colectivo que representa a titulados Náutico-Pesqueiros.
Relacionadas:
-
A Xunta eleva o nivel de alerta pola emerxencia dos pellets
Por Natalia Puga |
-
Recomendacións para a retirada de pellets nas praias
Por Anxo Lourido |
-
Restos de pellets chegan a praias das illas de Ons e Sálvora
Por Redacción |
-
O mal tempo desmobiliza a limpeza de pellets no Carreirón: "Retirar iso vai ser un traballo titánico"
Por Natalia Puga & Mónica Patxot |
-
A Fiscalía Xeral do Estado abre unha investigación sobre a vertedura de pellets nas costas galegas
Por Natalia Puga |
-
A cidadanía mobilízase para retirar as bólas de plástico das praias
Por Oskar Viéitez |
-
A Xunta pide a activación do Plan nacional de emerxencias por contaminación mariña
Por Oskar Viéitez |
-
Os pellets de plástico chegan ás praias do Grove e A Illa de Arousa
Por Oskar Viéitez |