Cruz Vermella en Pontevedra acolle a segunda sesión das conferencias 'Cafés con cooperantes'
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Coa intención de achegar as actividades de cooperación internacional á poboación de Galicia, Cruz Vermella desenvolve unha nova edición dos 'Cafés con cooperantes', un ciclo de encontros con persoas delegadas e voluntarias da organización humanitaria para que coñezan as accións que se realizan en países en conflito ou en vías de desenvolvemento.
A sede de Cruz Vermella en Pontevedra acollía a segunda sesión deste ciclo coa participación de Raquel Bernedo, enxeñeira de Telecomunicacións e técnica da Unidade de emerxencias de Cruz Vermella Española.
Á charla con café de comercio local asistían máis de 30 persoas e Raquel Bernedo ofreceulles información sobre as misións nas que participou como en Nepal en 2015 para atender a persoas afectadas polo terremoto; a Crise Migratoria Europea en Grecia nos anos 2015 e 2016; o desprazamento de persoas en Bangladesh en 2017 ou a crise ucraína en Hungría do ano 2022.
Nesta iniciativa trasládanse detalles dos proxectos que se realizan en distintos países e intercámbianse coñecementos ao redor destes labores de cooperación.
Relacionadas:
-
Cruz Vermella celebrou un entroido interxeracional con superpoderes na residencia de Campolongo
Por Redacción |
-
Cruz Vermella organiza un encontro coas persoas participantes no Plan de Emprego durante o últimos catro anos
Por Redacción |
-
As panaderías de Pontevedra alíanse con Cruz Vermella para distribuír 15.000 bolsas de papel
Por Oskar Viéitez |