Algúns datos curiosos de Pontevedra que recollen as estatísticas oficiais
Por Oskar Viéitez
Segundo o Instituto Nacional de Estatística (INE), na provincia de Pontevedra a media de esperanza de vida é de 83,25 anos. No último ano baixaron as perspectivas de lonxevidade nas mulleres, aínda que seguen tendo a expectativa de vivir 5 anos máis que os homes cuxa media se sitúa nos 80,48 anos.
Outro dato curioso que reflicte o Ine é que o ano pasado tiveron lugar no municipio de Pontevedra celebráronse 226 matrimonios pola vía civil dos que só catro tiveron lugar entre persoas do mesmo sexo, mentres que 36 levaron a cabo nunha igrexa. Os matrimonios relixiosos caeron un 314% na Boa Vila desde o ano 2010.
Más datos, o Rexistro Galego de Identificación de Animais de Compañía (Regiac) indica que no municipio de Pontevedra hai 19.756 animais de compañía con microchip. Entre eles inclúense 17.855 cans e 1.640 gatos. No municipio de Marín hai 5.094 mascotas, en Poio 5.268 e en Sanxenxo 5.288.
Outra singularidade: Ningún dos municipios da área metropolitana de Pontevedra conta con saldo vexetativo positivo, segundo revelan os datos publicados polo Ine.
Pontevedra capital rexistrou o ano pasado o seu peor dato de crecemento vexetativo desde 1996, ano no que se iniciaron os rexistros oficiais. Concretamente, o pasado ano na cidade do Lérez naceron 473 persoas e faleceron 855, o que deixa unha diferenza negativa de 382.
En Marín o saldo vexetativo é de -123 persoas (con 128 nacementos e 251 defuncións), en Sanxenxo -74 (90 nacementos e 164 mortes), Caldas de Reis -70 (51 nacementos e 121 falecementos), Cuntis e Vilaboa -67 (23 nacementos e 90 mortes o primeiro e 21 nacementos e 88 falecementos o segundo), Poio -56 (104 nacementos e 160 mortes), Ponte Caldelas -50 (29 nacementos e 79 defuncións), Cerdedo-Cotobade -37 (32 nacementos e 69 falecementos), Barro -35 (18 nacementos e 53 mortes), Moraña -33 (18 nacementos e 51 falecementos), A Lama -31 (7 nacementos e 38 defuncións), Campo Lameiro -22 (6 nacementos e 53 mortes) e Portas -20.