Os bombeiros sufocan un incendio nun baixo e desaloxan un edificio de Marín
Por Redacción
Os bombeiros de Pontevedra acudiron na mañá deste sábado á rúa Ourense de Marín para sufocar un incendio declarado no baixo dun edificio.
Segundo a información facilitada polo Concello de Pontevedra, os bombeiros de Pontevedra acudiron ante a petición do 112 porque estaba pechado o parque comarcal do Morrazo, ao que lle correspondería esta actuación.
O incendio produciuse sobre as 11.10 horas deste sábado e obrigou aos bombeiros a desaloxar todo o edificio.
O inmoble ten catro pisos e todos foron evacuados durante as tarefas de extinción e tamén unha vez sufocado o lume, mentres os bombeiros procedían a ventilar o edificio.
O incendio declarouse nun baixo posiblemente adicado ás reparacións de electrodomésticos e causou danos materiais, pero non persoais.