O Nadal chega a Ribadumia con luces, chocolate quente e rosca
Por Redacción
Unhas catrocentas persoas animáronse a participar no acto de inauguración da iluminación de Nadal en Ribadumia, que se celebrou na Praza do Concello.
As luces, que se instalaron nas principais rúas e prazas da vila en colaboración coa asociación de comerciantes Ribadumia Agárdate, estarán acendidas ata o día de Reis.
O evento resultou ser todo un éxito, superando as expectativas do equipo de goberno. Así, despacháronse, en total, 50 litros de chocolate quente e 12 quilogramos de rosca, esgotando todas as existencias que había dispoñibles.
Ademais, cada persoa recibiu un ticket coa súa consumición para participar no sorteo de agasallos que o Concello de Ribadumia e os colaboradores quixeron repartir entre os asistentes.
Había un total de 300 tickets que non chegaron para todas as persoas que asistiron á cita inaugural do Nadal.
O goberno local valora este éxito como unha mestura do traballo de todo o persoal municipal e de todos os colaboradores e colaboradoras, así como da confianza que a veciñanza volveu depositar unha vez máis no Concello para festexar estes días de Nadal.
Relacionadas:
-
Un portal de Belén une a usuarios do Fogar dos Maiores e da Escola de Ocio de Ribadumia
Por Redacción |
-
Actividades, música e sorpresas para celebrar a primeira edición do Carnadal en Ribadumia
Por Redacción |
-
Ribadumia presenta a súa programación de Nadal
Por Oskar Viéitez |
-
O Concello de Ribadumia reparte 890 euros en premios ás mellores decoracións de Nadal de escaparates e vivendas
Por Redacción |
-
En marcha a ampliación dun viario na Aldea da Bouza, en Ribadumia
Por Redacción |
-
Abren as inscricións para participar na Cabalgata de Reis de Ribadumia
Por Redacción |
-
Ribadumia convoca un concurso para as carrozas da Cabalgata de Reis
Por Redacción |