'Lo que el alborán esconde' é o terceiro título que autoedita Ana Carbajales. Oriúnda de Asturias, a súa vida está asentada en Pontevedra. Pon nome propio a outro capítulo do podcast 'Cara a cara' para falarnos desta última novela.
Imos á contraportada: "A morte do brigada Urriaga na comandancia da Garda Civil de Melilla poñerá patas para arriba a convivencia de tres mulleres que comparten piso na cidade desde hai uns meses. A detención de Liliana como principal sospeitosa sacudirá as súas vidas e desvelará segredos do pasado que cambiarán o trascurso dos acontecementos".
Carbajales esta vez viaxa ao sur, se en 'Nuevas partituras' fixouse en Portugal e Pontevedra, esta vez é Melilla onde concentra a historia. Volven as mulleres para protagonizar as súas tramas e volve introducir sobre o relato principal cuestións actuais como pode ser a migración.
Coméntanos durante a charla, que previamente á escritura instruíuse nas cuestións penais e xudiciais e que tamén regresou á cidade de Melilla para actualizar o imaxinario rexistrado despois de vivir na cidade autónoma.
O podcast completo está dispoñible na web de PontevedraViva Radiopara a súa escoita e descarga e igualmente pódese reproducir desde a ligazón que se adxunta.