Chegou o día! Pontevedra vive con "orgullo colectivo" o inicio da Gran Final das Series Mundiais
![](/web/cache/scene/uploads/fotos/foto/487/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/650cae3b26-20230921-patxot-inauguracion-triatlon-2155.jpg)
© Mónica Patxot
![](/web/cache/scene/uploads/fotos/foto/46d/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/650cae46d6-20230921-patxot-inauguracion-triatlon-2237.jpg)
© Mónica Patxot
A pantalla instalada no escenario da Praza de España non paraba de repetilo. "Chegou o día!", sinalaba unha e outra vez, e é que Pontevedra é desde este xoves a auténtica capital do tríatlon co inicio oficial da Gran Final das Series Mundiais.
Por diante chegan tres días de intensa competición, ata o domingo 24, nos que se participarán ao redor de 3.000 deportistas entre grupos de idade, paratriatlón e elite, coa presenza de todos e cada un dos mellores triatletas do panorama internacional, nun evento crave para moitos para lograr o billete para os Xogos Olímpicos.
Pero este xoves era quenda da inauguración oficial dos campionatos, que contaxiou de vitalidade e colorido o centro da Boa Vila empezando por un espectacular desfile de nacións entre A Ferrería e a Praza de España.
Unha a unha, as delegacións de cada un dos países participantes foron completando o percorrido con bandeiras e cánticos, entre o apluso dos pontevedreses.
Foi o aperitivo á propia cerimonia, aderezada coa acrobática actuación da compañía local Pablo Méndez Performance e a música da Agrupación Folclórica Celme.
"É un orgullo colectivo celebrar a Gran Final das Series Mundiais", sinalou na súa intervención o alcalde e presidente do comité organizador da Gran Final, Miguel Anxo Fernández Lores. Xunto a el o resto de autoridades, como o presidente da Xunta de Galicia, Alfonso Rueda; o presidente da Deputación; Luís López; e os presidentes de Federación Española e Internacional de Tríatlon, José Hidalgo e Marisol Casado.
"Pontevedra respira tríatlon en cada esquina e cada praza", lembraba no seu discurso o presidente da federación española, e é que "para un triatleta correr nunha cidade como Pontevedra é como para un piloto de Fórmula 1 correr no circuíto de Mónaco", aseguraba Luís López. Todos, tal e como sinalaba Alfonso Rueda, "orgullosos de que Galicia sexa a capital do tríatlon durante estes días".
Porque "viva Pontevedra e viva o tríatlon!"
Inauguración da Gran Final das Series Mundiais Pontevedra 2023
Un colorido desfile das delegacións nacionais serviu como inicio oficial da Gran Final das Series Mundiais de Tríatlon, seguido dunha vistosa cerimonia de inauguración na Praza de España
© Mónica Patxot