Pontevedra Alternativa (POAL) impulsará a organización dun desfile polo Día Internacional do Orgullo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Pontevedra Alternativa (POAL), de chegar á Corporación municipal, impulsará a organización dun desfile e outras actividades polo Día do Orgullo LGTBIQ+, "co fin de afianzar esta cita ano tras ano e que sexa un referente na provincia de Pontevedra e no resto da comunidade galega".
POAL inclúe no seu programa electoral propostas "destinadas ao colectivo LGTBIQ+, pero extensibles a toda a sociedade pontevedresa".
Entre outras iniciativas, propón que "nos centros educativos públicos do municipio que teñan alumnos de xénero disidente ou en proceso de transición, que se cambien os seus respectivos nomes e pronomes nas listaxes, a pesar de que no Rexistro Civil aínda non obtivesen a súa reatribución".
A intención desta proposta, segundo xustifican é "normalizar e evitar o trauma que supón actualmente a adolescencia trans".
O candidato de POAL á Alcaldía, Carlos Fontán, cre que "é fundamental construir as bases da Pontevedra do mañá" e considera que "hai que tratar de conseguir que ningunha persoa poida sufrir situacións de discriminación ou rexeitamento pola súa orientación sexual ou a súa identidade ou expresión de xénero e avanzar hacia a plena aceptación da realidade LGTBI".