María Ramallo aposta por seguir remodelando servizos e pavimento se continúa na alcaldía de Marín
Por Redacción
A candidata do Partido Popular de Marín, María Ramallo, afirma que se levou a cabo a remodelación dos servizos e do pavimento nas seguintes rúas durante este último mandato: Real, Secundino Lorenzo, Forno, Sol, Fondo do Saco e Méndez Núñez.
Ademais con fondos do Plan de investimentos da Deputación de Pontevedra remodelouse e humanizaron as rúas Almuíña e o primeiro tramo de Jaime Janer.
De cara ao futuro, a cabeza de lista do PP quere acometer a remodelación da rúa José del Río, Ponte Zapal e Busto de Arriba ata o lavadoiro de Souto, mellora da rúa Inferniño, de República Arxentina, da travesía Jaime Janer, das beirarrúas da Avenida de Ourense, ademais da ampliación de tramos de beirarrúa de Concepción Areal, renovación da rúa da Costa e a reforma da Barriada de San Pedro.
Ramallo quere impulsar a participación do concello de forma eficiente en programas europeos en ámbitos como o medio ambiente, o turismo, o desenvolvemento rural ou a promoción económica, na próxima convocatoria de Fondos Europeos.
A mellora das principais rúas da zona antiga de Marín e a humanización de espazos no ámbito da Alameda é, segundo os populares de Marín, unha realidade que mellora a mobilidade, redunda na hostalaría, nas terrazas, no comercio e na mellora de calidade de vida dos veciños.