O BNG de Marín daralle protagonismo á mocidade cunha concellaría exclusiva
Por Redacción
O BNG marinense reuniu a pasada fin de semana a numerosos mozos nun concerto celebrado na Praza do Reloxo no que, ademais de gozar coa música, poideron achegarse ás propostas da candidatura nacionalista para este segmento da poboación.
A candidata, Pilar Blanco, avogou por extender o Plan de Emprego municipal aos mozos, facilitando que acaden un posto de traballo a través de becas e axudas ás empresas que os contraten.
Marín caracterízase por ser un dos máis novos de Galicia e que o padrón conta con máis de 4.000 mozos, o 17 por cento da poboación.
A alcaldable do BNG incidiu en que “é prioritario mudar esta situación a través dunha oferta centrada no emprego, a formación, o lecer e o asociacionismo”. Para elo, os nacionalistas anunciaron que establecerán un convenio co Centro de Formación A Aixola con novas especialidades e crearán unha caixa de creto municipal para apoiar economicamente as iniciativas viables dos xóvenes emprendedores da cidade.
En canto á oferta de lecer, Pilar Blanco explicou que creará unha concellaría dedicada en exclusiva aos mozos, “con dotación económica para levar adiante un amplo programa cultural, musical e deportivo que faga que se queden en Marín e se sintan orgullosos da súa vila”.
Os nacionalistas apostarán por contar cun programa cultural e de lecer amplo e variado e creará unha Casa da Mocidade.