Guille García Janeiro ficha polo equipo profesional portugués Sabgal Anicolor: "Os obxectivos van ser moito máis ambiciosos"
Por Diego Espiño
Novo reto para o ciclista pontevedrés Guillermo García Janeiro, que se comprometeu para as dúas próximas tempadas por un dos equipos punteiros do pelotón profesional portugués, o recentemente bautizado Sabgal Anicolor.
Trátase da escadra coa que xa deu o salto ao ciclismo profesional fai tres anos, pero por entón denominábase Efapel e despois pasou a chamarse Glassdrive.
"Estou súper motivado", recoñece García Janeiro ante o que se lle vén por diante e por volver a unha formación "á que lle teño un gran agarimo".
Será en todo caso un salto de calidade na súa carreira, ou iso espera, porque "os obxectivos van ser moito máis ambiciosos e vou ter que poñer as pilas para estar á altura do equipo", sinala o pontevedrés consciente do que se espera del.
Así se reflicte de feito nas palabras do seu novo director e responsable deportivo do Sabgal Anicolor, Rúben Pereira, quen asegura que "Guillermo ten algo especial. Ten unha marxe de evolución bastante grande e aposto que o próximo ano vai ser un corredor importante no equipo a nivel de traballo".
Relacionadas:
-
Guille García Janeiro, un pontevedrés na 'Grandísima': "Veño máis preparado que o ano pasado"
Por Diego Espiño |
-
Guillermo García Janeiro seguirá un ano máis no pelotón profesional portugués co Radio Popular Paredes Boavista
Por Diego Espiño |
-
Guillermo García Janeiro, vencedor final da Costa Atlántica MTB Tour
Por Redacción |
-
Guillermo García Janeiro pasa a profesionais co Efapel portugués: "Aínda non mo creo"
Por Diego Espiño |