15 medallas para a Gimnástica no Campionato Galego Absoluto
Por Redacción
Xornada histórica a vivida pola Sociedad Gimnástica en Coruña no Campionato Galego Absoluto de atletismo en pista cuberta.
No pavillón de Riazor os atletas da entidade pontevedresa colgáronse 15 medallas, coa figura destacada dun Víctor Riobó que se alzou co título nos 400, 800 e 1.500 metros.
En total foron seis os ouros logrados polos integrantes da Gimnástica, co primeiro posto tamén de Víctor Gallego en lanzamento de peso, Santi Ferrer en pértega e Alba Martínez no triplo salto, conseguindo ademais a marca mínima para o Nacional Júnior.
O resto de preseas foron para Iván Maceiras (prata en lonxitude e bronce en 50 metros lisos), David Ferrer (bronce en lonxitude e pértega), Elvira Okutu (bronce en lonxitude), Clara Gil (prata en pértega), Darío Costas (prata en altura), Iván Docambo (bronce en 3.000 metros) e Álex Solla (bronce en 50 valos).
OITO MEDALLAS EN CATEGORÍA PROMESA
Positivo foi o balance da Gimnástica tamén en categoría Promesa, onde a bagaxe foi de cinco ouros, unha prata e dous bronces, destacando o papel de Paula Martín cun ouro en 200 metros, unha prata en pértega e un bronce en lonxitude.