A Gimnástica, coa vista posta nos campionatos de España
Por Redacción
Os atletas da Sociedad Gimnástica de Pontevedra buscarán este fin de semana no Campionato de Galicia de Atletismo, no pavillón coruñés de Riazor, as marcas que lles permitan clasificarse para os nacionais en pista cuberta.
Febreiro será mes de campionatos de España, sendo o primeiro deles o da categoría Promesa, no que xa están clasificados David Alejandro e Manuel Molinos, mentres Iván Maceiras se encontra moi preto da marca mínima.
O 16 de febreiro tocaralle a quenda ao Nacional de Marcha en Ruta, coa presenza de Marc Tur e con Eva Iglesias buscando o seu pasaporte na competición autonómica do próximo domingo.
Pola súa banda para o día 22 de febreiro queda o Campionato de España Absoluto en Pista Cuberta, que celebra o seu 50 edición en Sabadell con David Alejandro, Julián Ortiz e Lysvanys Pérez xa clasificados e Víctor Gallego, Manuel Molinos, Víctor Riobo e Iván Maceiras en busca de billete.
Ese mesmo fin de semana A Coruña acollerá o nacional de Medio Maratón con Rafa Fuentes, Martín Taín, Iván Docampo, Rubén Diz e Robertos Geralavicius.