Destacado papel do Galaico cun terceiro posto no campionato galego de longa distancia
Por Redacción
A piscina do Complexo Deportivo Rías do Sur acolleu este sábado o campionato galego de longa distancia e clasificatorio para o nacional da especialidade, que se celebrará en decembro.
Entre os participantes estiveron 16 nadadores en representación do Club Natación Galaico das categorías infantil, júnior1, júnior 2 e sénior, realizando unha destacada actuación que lle valeu ao equipo a terceira posición na xeral.
O equipo feminino estivo formado por Sofía Barros, Gisèle Rocha, Sara Cabalería, Mara Vidal, Alba Castro, Aldara Ortego e Alba Vidal, e o masculino por Alejandro Álvarez (único representante senior), Pedro Barros, Iker Pérez, Adrián Méndez, André Ortego, Tomás Gómez, André Rendo, Mateo Prado Olivier Rocha.
Os infantís nadaron 2.000 metros libre, e os júnior e sénior 3.000 metros libre, destacando a nivel individual Sofía Barros, proclamándose campioa galega infantil; Alba Castro, terceira clasificada infantil; Alejandro Álvarez, cuarto clasificado sénior; e Mara Vidal, cuarta infantil.
Por clubs, o Galaico quedou subcampión galego de longa distancia en categoría masculina, cuarto en feminina e terceiro na clasificación xeral.
Relacionadas:
-
Un xove Galaico cúrtese no Campionato Galego de Natación
Por Redacción |
-
Rías do Sur despide unha fin de semana chea de natación
Por Redacción & Cristina Saiz |
-
Novembro con 'n' de natación na piscina de Pontemuíños
Por Redacción |
-
Desbloqueado "o último obstáculo" para a posible apertura do Complexo Deportivo Rías do Sur
Por Almu Dapena |