O Arosa - Granada de Copa do Rei disputarase o 2 de novembro na Lomba
Por Redacción
A Real Federación Española de Fútbol xa anunciou os horarios dos 55 partidos da primeira eliminatoria da Copa do Rei, que se disputará os días días 31 de outubro, 1 e 2 de novembro.
No caso do Arosa, recibirá ao Granada CF de Primeira División o xoves 2 de novembro, na Lomba, ás 19:00 horas, segundo confirmou a Federación.
Para a cita, o club arlequinado habilitou desde este venres ata o día 26 a venda de entradas para os abonados, cuxos prezos son de 15 euros para a bancada de Tribuna e 10 euros para Preferencia. Os socios sub-12 ou de categoría especial, así como os menores de 6 anos, terán acceso gratuíto pero sendo necesario retirar entrada.
En canto ao prezo para o público xeral, a venda comezará o 26 de outubro e os prezos dos tickets fixáronse en 30 euros en Tribuna, 20 euros en Preferencia e 15 euros nos fondos.
O horario de venda será de 17.00 a 21.00 horas de luns a venres e de 11.00 a 13.00 horas os sábados.