O Enmacosa Monte Porreiro pon en dificultades ao líder Cambados pero remata cedendo (4-3)
Por Redacción
A un paso da sorpresa quedouse o Enmacosa Monte Porreiro na súa visita ao líder do Grupo 1 da División de Honra de Tenis de Mesa, o Establecimientos Otero de Cambados.
Os pontevedres caeron por un axustado 4-3 tras forzar un vibrante partido de dobres que desempataba o encontro.
Antes os de Cambados adiantáranse por 2-0, aínda que todo podía ter cambiado se Dani Conic aproveitase unha das dúas pelotas de partido que tivo no primeiro enfrontamento da xornada ante o nixeriano Ahmed Kazeemm.
A pesar da desvantaxe o Monte Porreiro logrou poñer a igualada grazas aos triunfos de Nacho Fernández ante Adrián Vidal e Dani Conic fronte a Fernando Padín.
Nese momento o xogador nixeriano dos locais desfacía a igualada antes de que nun apertado partido entre Santi Prieto e Adrián Vidal o xogador lerezano lograse forzar o dobres.
Con este resultado o Establecimientos Otero mantéñense na primeira praza con 22 puntos, mentres o Enmacosa se encontra oitavo con 10.