Pontevedra Viva!

Máis +
Iván García, coa medalla de ouro conseguida no Open de Serbia

© Federación Galega de Taekwondo

Iván García está de volta: Consegue o ouro no Open de Serbia de Taekwondo

Redacción

Por Redacción

Iván García, coa medalla de ouro conseguida no Open de Serbia

© Federación Galega de Taekwondo

Gran resultado para Iván García no Open de Serbia de Taekwondo, de categoría G1, disputado durante a fin de semana en Belgrado.

O deportista marinense do Mat's confirmou que está de volta conseguindo a medalla de ouro na categoría de +87 quilos.

Este resultado supón o seu primeiro triunfo internacional desde a lesión de menisco que tivo que superar no principio do ano, e que minguou o seu rendemento.

Agora, a menos dun ano dos Xogos, supón un reforzo moral para seguir pelexando polo obxectivo da clasificación para París 2024.

En Serbia para levar a medalla de ouro Iván tivo que superar no seu primeiro combate ao representante de Exipto (2-0), mentres que na final enfrontouse a un deportista de Macedonia en tres disputados asaltos que acabaron caendo do seu lado.

Relacionadas: