Triunfo do Leis en Bueu (2-5) para manterse firme no liderado
Por Redacción
O Leis Pontevedra estase a mostrar como un líder sólido da Terceira División de Fútbol Sala, cuxa clasificación comanda con dous puntos de vantaxe sobre o Coruxo vigués.
Esa pelexa á fronte da clasificación mantense tras o claro pero traballado triunfo dos lerezanos en Bueu (2-5) nun partido que se decantou na segunda metade.
Os de Manu Cossío adiantáronse no marcador cun gol de Pocho, pero os locais empataron antes do descanso para chegar ao intermedio con táboas.
Xa no segundo acto, a pesar das súas dúbidas iniciais, o Leis tirou de contundencia para decidir o encontro ante un equipo local que só puido maquillar o resultado nos minutos finais.
ADFS BUEU (2): Hugo, David, Rodrigo, Antonio (1), Adrián (1), Javier, Roma, David Juncal, Samuel, Esteban, Pedro, Daniel.
LEIS PONTEVEDRA (5): Rubén, Dani (1), Gustavo, Sergio Martínez (2), Sergio García, Pablo Durán, Raúl Jiménez, Barcala (1), Miguel, Cabaleiro, Abadín, Pocho (1).
Árbitros: Vilas Martinez e De La Iglesia Castelao. Amoestaron polo Bueu a David Juncal e polo Leis a Barcala, Pablo e Dani.