O Portonovo volve caer en Baltar, esta vez ante o Valladares (1-3)
Por Redacción
Esta tempada Baltar non é o fortín dos últimos anos, e é que ao Portonovo lle está a custar alcanzar a regularidade na competición.
O conxunto arlequinado viuse superado na casa esta vez polo Valladares (1-3) no que supón a súa cuarta derrota como local da liga.
A pesar diso o Portonovo intentou sobrepoñerse ás baixas e logrou igualar por medio de Nacho, xa na segunda metade, o gol inicial dos visitantes.
A alegría sen embargo durou pouco porque nos minutos finais o Valladares logrou sentenciar o encontro grazas aos tantos de Ero e Calado.
Con esta derrota os arlequinados quedan na décimo cuarta posición con 28 puntos.
PORTONOVO SD (1): Alejo, Iván Renda, Marcos, Suso Martínez, Suso Bea (Iván, min.40), Suso Vidal, Víctor, Silva, Nacho, Álex Cubas, Luis Alberto.
CD VALLADARES (3): Denís, Tomás, Suso, Miguel, Cristián, Cacho (Nacho, min.56), ÿscar, Michi (Víctor, min.68), Marcos, Calado (Toni, min.89), Ero (Ramilo, min.83).
Árbitro: Fernández Lodeiro (Santiago). Amoestou aos locais Silva, Suso Martínez e Luis Alberto e aos visitantes Calado, Toni e Marcos.
Goles: 0-1 Marcos, min.12; 1-1 Nacho, min.62; 1-2 Ero, min.79; 1-3 Calado, min.89.
Incidencias: Partido disputado no campo de Baltar, Portonovo.