Máis de 200 rexistrados para estrear a travesía a nado do Río Lérez
Por Diego Espiño
A contorna da praia fluvial será escenario o vindeiro sábado 16 de setembro da I Travesía a Nado Río Lérez, organizada polo Club Natación Galaico.
A proba, que foi presentada oficialmente este luns co apoio entre outros de Javier Gómez Noya xunto a edil de Deportes Anabel Gulías, servirá de aperitivo á Gran Final das Series Mundiais de Tríatlon, aínda que nace con vocación de continuidade.
"Queremos que quede, e mesmo temos pensado facer o ano que vén un descenso a nado polo Lérez", confirma o presidente do Galaico, Alberto Castro.
Na cita están xa confirmados máis de 200 deportistas, e a cifra subirá con algúns dos triatletas que teñen previsto competir nos mundiais.
Todo iso nun "circuíto deseñado para que sexa vistoso para a xente", explicou Cristian Fernández sobre un percorrido de 2.500 metros (dúas voltas de 1.250 metros).
A carreira de categoría máster e popular será a encargada de abrir a travesía ás 15.45 horas, seguindo próbaa elite ás 17.15 horas e por último as categorías inferiores de promoción (18.15 horas), infantil-alevín (18.45) e benxamín-prebenxamín-inclusiva (19.20 horas).
A xornada concluirá cunha convivencia na praia fluvial con comida e un concerto do grupo pontevedrés Mr. Magoo.
Relacionadas:
-
O noruegués Blummenfelt non pode con Marcos Vila, o gañador da I Travesía a Nado Río Lérez
Por Redacción & Mónica Patxot |
-
Dúas probas deportivas obrigan a restrinxir o tráfico na contorna do Lérez durante a fin de semana
Por Redacción |
-
Dous campións olímpicos de tríatlon apúntanse á I Travesía a Nado Río Lérez
Por Diego Espiño |
-
Unha travesía a nado polo río Lérez, aperitivo ás Series Mundiais de Tríatlon
Por Redacción |