Segundo ouro mundialista para Tono Campos e bronce para Manu Garrido
Por Almu Dapena
Suma e segue Tono Campos (Breogán do Grove) no Mundial de Piragüismo Maratón que se está celebrando en Vexen, Dinamarca, logrando a súa segunda medalla de ouro en tan só dous días.
Campos, que xa se coroou o xoves na distancia curta, volveu ser o mellor este sábado na esixente proba longa de C-1 cun tempo de 1h.43:35.11, apenas a 56 centésimas do húngaro Marton Kover.
Completou o podio o tudense Manuel Garrido colgándose o metal de bronce tras cruzar a liña de meta a 24.89 do primeiro.
Pola súa banda, os piragüistas do Verducido David Pazos e Miguel Franco competiron no K1 júnior. O mellor posto logrouno Pazos (+07.45 segundos), que foi cuarto por detrás dos arxentinos Vicente Vergauven (01:34:54.03) e Joaquín Catalano (+01.64) e do húngaro Arpad Kekesi (02.97). O seu compañeiro de equipo terminou vixésimo (+03:54.57).
Relacionadas:
-
Dobre billete europeo para Tono Campos e Diego Romero no Campionato de España Piragüismo Maratón
Por Redacción |
-
Homenaxe a Tono Campos no Grove bautizando co seu nome o pavillón de deportes náuticos
Por Diego Espiño |
-
Tono Campos e Diego Romero repiten ouro mundialista no C-2 e 'as Tanias' fanse coa prata en K-2
Por Almu Dapena |
-
Jaime Duro repite ouro mundial sub-23 de piragüismo maratón, con bronce de Diego Piñeiro
Por Diego Espiño |
-
Tono Campos, medalla de ouro na proba curta do Mundial de Piragüismo Maratón
Por Diego Espiño |
-
O piragüismo galego despide o europeo de maratón con outra remesa de medallas
Por Redacción |