![](/web/cache/scene/uploads/fotos/foto/274/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/64f07c220a-20230831-patxot-lores-reunion-federacion-karate-0210.jpg)
© Mónica Patxot
O Campionato de España Absoluto de Karate de 2024, en Pontevedra
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
![](/web/cache/scene/uploads/fotos/foto/ec7/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/64f07c2e2a-20230831-patxot-lores-reunion-federacion-karate-0209.jpg)
© Mónica Patxot
Pontevedra suma un novo evento ao seu calendario deportivo para o ano 2024.
Trátase do Campionato de España Abosluto de Karate e Para-Karate, e que se celebrará na Ba Vila os días 16 e 17 de marzo do próximo ano.
O acordo para ser a sede do campionato nacional pechouse este xoves nunha reunión na que estiveron presentes o alcalde, Miguel Anxo Fernández Lores, a edil de Deportes, Anabel Gulías, e o presidente da Federación Galega de Karate, Óscar Lafuente.
A competición, que será clasificatoria para o Campionato de Europa Absoluto, conta cunha previsión de participación próxima aos 400 deportistas, ao poder competir dous membros por categoría e federación autonómica, ademais dos campións nacionais e medallistas europeos e mundiais do ano anterior.
"Estamos configurando o calendario competitivo do vindeiro ano e aposta polo deporte é clara nesta cidade. Queremos seguir sendo unha referencia na organización de citas competitivas e esta non será unha excepción", sinalou o alcalde tras coñecerse a elección de Pontevedra como sede.