Triangular entre Arosa, Rápido de Bouzas e Portonovo para iniciar a pretempada
Por Redacción
Arosa, Portonovo e Rápido de Bouzas disputaron este sábado un triangular no campo de Baltar, en Portonovo.
Os partidos, de 45 minutos cada un, arrincaron ás 19:30 horas co Portonovo ante o Rápido de Bouzas; ás 20:30 horas o Arousa mediuse ao cadro vigués e, ás 21:30, enfrontáronse os anfitrións contra os arlequinados.
Luisito apostou por dous onces completamente distintos en ambos os enfrontamentos coa intención de dar minutos a todos os seus xogadores e probar diferentes formas de xogo de fronte ao comezo dunha tempada que se antolla ilusionante na que buscarán o ascenso a Segunda Federación.
En canto aos resultados, o Arosa perdeu pola mínima contra o Rápido de Bouzas (0-1) e gañou ao Portonovo por 2-0 con goles de Nacho Carús e Borja.