ÿxito organizativo e de participación no Campionato Galego de Tiro con Arco
Por Redacción
O Recinto Feiral de Pontevedra foi escenario este domingo dunha intensa e vibrante xornada de tiro con arco coa celebración do Campionato Galego en Sala.
Un total de 175 arqueiros participaron nun evento que bateu o seu récord de participación baixo a organización do club Arco Teucro.
A competición contou con todas as especialidades, dende o arco recurvo e arco composto pasando polo tradicional e o arco nu, e tamén con todas as categorías de idade.
Entre as categorías absolutas destacan ata catro medallas para deportistas dos dous clubs de Pontevedra: Melania Sanjorge e Vanessa Rey, do Arco Teucro, colgáronse o ouro, mentres Jesús Ángel Budiño, do mesmo club, foi prata e Rafa Gil, do Boa Vila, foi bronce.